«Заң мен тәртіп» тұжырымдамасын іске асыру шеңберінде «Қостанай облыстық психикалық денсаулық орталығы» КМК-да әкімшілік персоналмен жоспарлы профилактикалық кездесу өтті.
Іс-шараның басты мақсаты — қызметкерлерге Қазақстан Республикасының сыбайлас жемқорлыққа қарсы заңнамасының негізгі ережелерін түсіндіру, заңсыз әрекеттерге тартылу тәуекелдерін барынша азайту және сыбайлас жемқорлықтың кез келген көріністеріне «мүлдем төзбеушілік» қағидатын нығайту.
Кездесу барысында мекеменің комплаенс-офицері жоғары тәуекелді негізгі салалар мен сыбайлас жемқорлық құқық бұзушылықтардың заңды салдарларын егжей-тегжейлі баяндап берді.
Талқыланған негізгі тақырыптар мен бөлімдер:
1. Мемлекеттік сатып алу саласындағы жемқорлық тәуекелдерінің алдын алу
Қызметкерлердің назары «Мемлекеттік сатып алу туралы» ҚР Заңын қатаң сақтау қажеттілігіне аударылды. Заңбұзушылықтарды болдырмау механизмдері қарастырылды
Қабылданған шаралар: Барлық сатып алу процедуралары тек Мемлекеттік сатып алудың бірыңғай порталы арқылы жүзеге асырылады.
2. Кадр саясатының ашықтығы және мүдделер қақтығысын болдырмау
Кадр саясаты бөлігінде адал жұмысқа орналасу және қызметтік өсу стандарттары атап өтілді. Тамыр-таныстыққа (непотизм), фаворитизмге және жалған жұмысқа орналастыруға жол бермеуге ерекше назар аударылды.
Қабылданған шаралар: Жұмысқа қабылдау және мансаптық өсу ашық конкурстық процедуралар арқылы өтеді. Тікелей бағыныстағы қызметкерлер арасында жақын туыстық қатынастар болған жағдайда, мүдделер қақтығысын уақтылы жазбаша түрде мәлімдеу міндетті болып табылады.
3. Тұрмыстық жемқорлық пен сыйлықтар бөлігіндегі заңнаманы сақтау
Қызметкерлерге кәсіби міндеттерін орындағаны үшін кез келген сыйлықтар мен сыйақыларды алуға тыйым салуға қатысты ҚР әкімшілік және қылмыстық заңнамасының нормалары қайта түсіндірілді:
- Әкімшілік жауапкершілік (ҚР ӘҚБТК 676, 677-баптары): Құны 2 АЕК-тен төмен сыйлық алғаны үшін сыйлықты алған қызметкерге 600 АЕК мөлшерінде, ал сыйлық берушіге 200 АЕК мөлшерінде әкімшілік айыппұл қарастырылған.
- Қылмыстық жауапкершілік (ҚР ҚК 366, 367-баптары): Құны 2 АЕК-тен асатын материалдық құндылықтарды немесе қызметтерді алу (немесе сыйлық берушінің пайдасына жасалған әрекеттері үшін) пара алу/беру ретінде сараланады.
4. Жауапкершілік және мемлекеттік ынталандыру шаралары
ҚР Қылмыстық кодексіне (ҚР ҚК 361, 366, 367, 368-баптары) сәйкес сыбайлас жемқорлық қылмыстары үшін қатаң жазалау шаралары, соның ішінде мемлекеттік және квазимемлекеттік секторда жұмыс істеуге өмір бойына тыйым салу және мүлкін тәркілеу қарастырылған.
Сонымен қатар, қатысушыларға Қазақстанда сыбайлас жемқорлық фактілері туралы хабарлаған азаматтарды мемлекеттік ынталандыру жүйесі жұмыс істейтіні ескертілді (төлемдер мөлшері құқық бұзушылықтың ауырлығына және залал сомасына байланысты 40-тан 4 000 АЕК-ке дейінгі аралықты құрайды).
🔒 Заң бұзушылықтар анықталған жағдайда қайда хабарласу керек?
Біздің орталықта тұрақты негізде қатаң ішкі бақылау жүргізіледі. Сыбайлас жемқорлыққа қарсы іс-қимыл және әдеп нормаларын сақтау бойынша кез келген сұрақтар бойынша «ҚОПДО» КМК комплаенс-офицеріне тікелей хабарласуға болады:
- Комплаенс-офицер: Әлмағамбетов Ерлан Серікұлы
Азаматтар мен қызметкерлер үшін:
- Біздің ресми сайтымызда арнайы «Сыбайлас жемқорлыққа қарсы комплаенс» қосымша беті жұмыс істейді.
- Бұл бөлімде сіз кері байланыс формасын пайдалана отырып, кез келген заң бұзушылық фактілері бойынша анонимді өтініш қалдыра аласыз.
- Сондай-ақ, Сыбайлас жемқорлыққа қарсы қызметінің Call-орталығы 1424 тегін нөмірі бойынша тәулік бойы жұмыс істейді.
Заңдылықты, этикалық нормаларды сақтау және кәсібилік — біздің ұйымның басты басымдықтары.
