«Қостанай облыстық психикалық денсаулық орталығы» КМК Денсаулық сақтаудағы сапа және аккредиттеу институтының (IQAH) сыртқы кешенді бағалауынан сәтті өтіп, оның қорытындысы бойынша Бірінші санатқа ие болды.

Бағалау барысында сарапшылар Орталықтың Қостанай, Тобыл, Рудный және Арқалық қалаларындағы бөлімшелеріне барып, ұжымның медициналық көмектің сапасы мен қауіпсіздігі стандарттарын сақтаудағы жүйелі жұмысын жоғары бағалады.

Біздің мықты тұстарымыз ретінде төмендегілер атап өтілді:
• пациенттер үшін қолжетімді кедергісіз орта;
• медициналық үдерістерді цифрландыру және заманауи диагностикалық әдістерді қолдану;
• сапа мен қауіпсіздікті басқарудың тиімді жүйесі;
• жоғары кадрлық әлеует, тәлімгерлік бағдарламасы және қызметкерлерге психологиялық қолдау көрсету.

Бұл аккредитация – бүкіл ұжымның күнделікті еңбегінің, кәсібилігінің, жауапкершілігінің және үздіксіз дамуға деген ұмтылысының нәтижесі.

Орталық ұжымына өз ісіне адалдығы үшін, ал пациенттерімізге сенімі үшін алғысымызды білдіреміз. Біз алдағы уақытта да көмекке мұқтаж әрбір адамға сапалы, қауіпсіз және қолжетімді медициналық көмек көрсету бағытында жұмысымызды жалғастырамыз.